أثار طلب فتاة أردنية تدعى رهف ياسر رواد مواقع التواصل الاجتماعي، وذلك بعد طلبها المساعدة لإنقاذ مطعم والدها والذي فتحه مؤخرَا ووضع فيه كل ما يملك من أموال، ولكن الحظ لم يقف بجانبه، وكاد الأب أن يفقد كل ما يملك بسبب عزمه على إغلاق المحل بعد تردي أحواله مؤخرًا.
قهر وحزن
لم تترد رهف وعلى الفور نشرت منشور على مواقع التواصل الاجتماعي توضح من خلاله مدى الحزن الذي وقع بها وبأهل بيتها جراء غياب أبيها عن البيت لمدة 3 أيام من شدة قهره وحزنه.
طلب المساعدة
وكتبت رهف قائلة: “والله بكتب ودموعي على خدّي، اليوم حكيت مع بابا وكان صوته كتير تعبان وآخر إشي صار يبكي، أمانة ساعدوني بطلب صغير؛ بابا فتح محل شاورما بـسحاب وإلو تلات أيام ما بروّح عالبيت وحاط كل تعبه بالمحل بس المحل ما بجيب شغل منيح وهوه كتير زعلان حكى اليوم معي وكان بعيط بحكيلي لسا ما بعت إشي”.
وأضافت رهف: “بابا إلو بشتغل بالشاورما من 2003 الحمد لله دايمًا الكل بمدح بالخلطة والشاورما تاعته بس عشانه كبر بالعمر ما حد رضي يشغله عنده وهو الوحيد يلي بنستند عليه بعد ربنا الحمدلله وقرّر يفتح محل شاورما ولأنه ما حد بعرف المحل وجديد بابا مش قاعد ببيع منيح، مع إنه أسعاره أبدا مش غالية وكتير منيحة وهوه ما يقصر مع أي حد بيجي عنده لو ع حسابه الشخصي المهم عنده السمعة بشغله تضل نضيفة.
وتابعت: “أجيت بدي اعمله إعلان كتير بوخذوا غالي ما معي حق إعلان، فحكيت هاد آخر حل إني أنزل بوست عشان تساعدوني أسألكم بالله ساعدونا، بابا هاي رزقته الوحيدة اقسم بالله ما دخل أول الشهر ع دارنا دينار والحمدلله بنحكي إن شاء الله خير، ساعدوني أسألكم بالله”.
استجابة الأردنيين للإستغاثة
لاقي منشور الفتاة الأردنية تفاعلًا ضخم بين رواد مواقع التواصل الاجتماعي، وعلى الفور قام عدد كبير من الأردنيين بالاحتشاد أمام مطعم والدها لشراء الشاورما ودعم الرجل.
فرحة عارمة
وبعد ساعات تم التقاط بعض الصور للمطعم وهو مزدحم حتى إن الشوارع الأساسية للمطعم امتلأت على آخرها الأمر الذي تسب في فرحة عارمة للفتاة ووالدها.
شكر الأردنيين على الإستجابة
ووجهت الفتاة الشكر للأردنيين قائلة:”هذا الموقف ليس بغريب على الأردنيين، مضيفًة لو بقعد من هون لسنين لقدام اتشكر فيكم م بوفيكم ،الحمدلله حتى يبلغ الحمد منتهاه”.
